Pormal nga gisugdan karong adlawa ang 25th meeting of Asean, plus China Japan Og republic of korea Tourism Ministers alang sa labing awahing adlaw sa Asean 2026 nga ipahigayun diri sa Sugbo.
Gisugdan karong adlawa ang pormal nga panagpulong sa 25th Meeting of ASEAN Tourism Ministers, nga gipanglangkoban sa mga nasod sa China, Japan, ug Republic of Korea, ubos sa pagpangulo ni Department of Tourism (DOT) Secretary Christina Frasco.
Atol sa iyang opening remarks, gikabutyag ni Sec. Frasco ang mga posibleng kalamboan sa turismo human sa maong panagtapok.
Usa ang nasod sa Japan sa mga nisugyot og mga ideya nga nagpunting sa pagpalambo sa turismo sa tibuok rehiyon sa Asya.
Gitataw ni Frasco nga sa higayon nga magkalig-on ang partnership sa mga nasod sa Asya, ang benepisyo niini molapad ngadto sa nagkalain-laing destinasyon, value chains, ug ingon man sa lokal nga ekonomiya.
Matod sa kalihim, nagpabilin nga sentro sa kalagsik sa turismo sa rehiyon ang mga mahinungdanong markets, ug kini nagpadayon sa pagdula og dakong papel sa pagbiyahe paingon sa ASEAN.
Dako kini og natabang sa pagsuporta sa mga trabaho ug pagpatunhay sa mga negosyo sa tibuok “tourism value chain.”
Gidugang ni Frasco nga ang presensya niining mga turista makahuluganon kaayo ang amot sa mga kalihukang pang-ekonomiya sa tibuok rehiyon.
Sa pikas bahin, naglantaw og dakong kalamboan usab si Sec. Frasco nga dako og mamahimong amot ang visa-free policy alang sa mga mobisitang Chinese aron makabawi ang Pilipinas sa kakuwangon sa tourist arrivals.
Sumala sa kalihim, dili mandato sa ilang ahensya ang pagbalanse sa tensyon sa tunga sa duha ka nasud tungod kay ang ilang tumong mao ang paghimo nga mas madasigon ang local ug foreign tourist arrivals aron makatabang sa kinatibuk-ang ekonomiya.
Giangkon ni Frasco nga nagpadayon pa gihapon ang pagbangon sa Pilipinas gikan sa epekto sa pandemya, samtang giila ang dako nga kontribusyon sa mga Chinese tourists.
