Gipanawagan ang mas bug-at nga silot sa mga makalapas sa balaod sa kinaiyahan ug mas hugot nga koordinasyon sa mga accredited nga hiking ug trekking groups samtang nanawagan ang mga stakeholders nga ablihan na balik ang Spartan Trail.
Sigon ni Cebu City Councilor Joel Garganera, Chairman sa Environment Committee, nga gamay ra ang kasamtanang multa karon sa syudad, hinungdan nga para mahadlok ang mga irresponsableng hikers ug trekkers ila king pabug-atan.
Dugang niini, nga ila usab kining ihangyo ang pag-abli ngadto sa buhatan sa Protected Area Management Board (PAMB) karong Nov. 19., apan bout ni Garganera nga mas pabug-atan pa ang silot sa mga malapason, aron mapanalipdan ang kinaiyahan.
Tungod niini, plano nga gamiton sa kagamhanan ang National law, aron mahimong matuman ang mga lagda.
Ubos sa RA 11038 o ang Expanded National Integrated Protected Areas System Act of 2018, ang makalapas sulod sa protected area, mahimong mamultahan ug P200,000 hangtod P1 million ug mapriso ug 1 hangtod 6 ka tuig. Ang mas grabeng sala kay P1 million hangtod P5 million ug hangtod 12 ka tuig nga prisohan.
Nagpahigayon usab ang Central Cebu Protected Landscape (CCPL) ug DENR na ug whole-day seminar ug forum diin nitambong ang mga 20 ka grupo sa mga hikers, trekkers, mountaineers ug trail runners.
Si Garganera nagkanayon nga kung ablihan man gani balik ang Spartan Trail, dapat hugot ang koordinasyon sa mga accredited nga grupo para mausab ang panghuna-huna sa mga hikers ug trekkers kung mosulod sa protected area.







