CEBU CITY-Nakatakda na nga pasakaan na og kasong Act of Lasciviousness karong adlaw Lunes ang usa ka 75 anyos nga lolo human kini nanghinol sa usa ka 18 anyos nga dalagita sulod sa usa ka bus.
Giila ang suspect nga si Virgilio Quijano ug residente sa Carcar, City, Cebu.
Una niini, nakadawat ang Carbon Police station og tawag gikan sa Cebu South Bus Terminal nga dunay ipadakop ang usa ka babae.
Matud ni Police Major Randy Caballes ang hepe sa Carbon PNP nga basi sa pamahayag sa biktima nga natulog kini suldo sa bus sa dihang nakabantay kini nga samang dunay muhinol sa iyang paa.
Gibaliwala lang usa kini sa dalagita sa pagtoo nga wala tuyu-a sa tiguwang nga tapad niini. Apan sa dihang mibalik kini sa pagtulog, giwalis na ang iyang saya og gisulod na ang kamot niini. Wala pa usab matud pa makontento ang suspect, misuway pa kini pag-isa sa blouse sa biktima ug dayon koot sa dughan.
Pag-abot sa terminal dali nga misumbong ang dalagita.
Nakadetain karon ang maong lolo sa Carbon detention cell. Samtang
disido gyud nga mupasaka og kaso ang pamilya sa biktima.
