CEBU CITY-Ipatuman na karong adlaw nga Miyerkules ang 8 pesos nga plitihan sa tanang Public Utility Jeepney (PUJ).
Kini ang gikompirmar ni Eduardo “Ed” Montealto, ang Regional Director sa Land Transportation Franchising and Regulatory Board (LTFRB-7).
Subay na usab kini sa pag-aprobar sa Board of Resolution sa petition nga giduso sa mga drivers ug mga opearators nga increase sa plitihan sa miagi pang tuig.
Gani P2.50 ang boot niini nga increase apan P1.50 lamang ang gi-aprobahan sa Board of Resolution para sa Rehiyon 7. Epektibo karong Miyerkules ang pagsaka sa mga plitehan sa nagkalain-laing lugar sa nasud.
Apan gitataw ni Montealto nga ang PUJ lamang nga makasecure og fare matrix kun taripa ang makapaningil sa 8 pesos nga pliti. Kung wala pa kini mga taripa, dili pa kini makapasaka sa ilang plitehan.Duna na matud pa kasayuran ang mga driver niini ug kinahanglan nga mukuha na dayon kini sila og taripa.
Hinoon, gi-angkon ni Montealto nga siguradong maghatud kini og panaglalis tali sa pasahero ug sa mga drivers apan sila igo ra usab nga mu-implementar niining maong kamanduan.
Gitino usab sa director nga provisional increase pa lamang kini boot pasabot mamahimo pa kining ma-adjust ang maong kantidad sa plitihan depende sa sitwasyon.
