CEBU CITY-Nagtingkagol sa Police Station 7 ang suspek sa giingong pangpanglugos sa 9-anyos nga batang babaye nga anak sa iyang kaugalingong higala.
Mao kini ang gibutyag ni Hon. Dave Tumulak ang kapitan sa Basak Pardo ning dakbayan sa Sugbo human nga malampuson nga nasikop ang giilang suspek nga si Lando kinsang giingong gimoslestiya ang batang misumbong sa usa ka concerned citizen nga mao na’y mipadangat ngadto sa opisyal.
Gani, pipila ka oras sa dihang gi-post ni Tumulak ang hulagway ni Lando dali kining nakuptan ug gitabangan og kulata sa mga residente.
Ingon man nga giangkon sa suspek nga natintal kini ug tungod anaa usab kini sa impluwensya sa iligal nga drogas hinungdan nga nabuhat niini ang maong krimen.
Sa pagakakaron, nagpaabot na sa resulta sa gipahigayon nga medical ang bata arun masuta kung gihilabtan kini ug mapasakaan og kaso ang suspetsado.
