CEBU CITY – Samdan sa pagpamusil ang 9 anyos nga bata atol sa gipahigayon nga buybust operation sa Brgy. Labangon, sa dakbayan sa Sugbo.
Giila ang subject sa maong operasyon nga si Sherwin Simbajon, 25 anyos.
Matud ni Police Liuetenant Colonel Glenn Mayam, ang hepe sa Drug Enforcement Group (DEG) – Visayas nga sa pagpakigtransaksyon sa usa ka poseur buyer ngadto ni Simbajon, nabantayan lang nga fake money ang gigamit niini.
Hinungdan nga mibunlot sa iyang armas si Simbajon apan napusilan niya ang milabang lang nga 9-anyos nga bata.
Nakahiagum og samad pinusilan ang bata sa iyang paa ug kasamtangan kining nagpaalim human kini gidala dayon sa tambalanan.
Nakuhaan si Simbajon og 50 grams sa shabu nga mikantidad og P170,000, ug calibre 45 nga armas.
Nabalhog karon si Simbajon sa detention cell sa Cebu City Police Office (CCPO) ug pasakaan og kasong RA 9165, illegal possession of firearms, ug violation of Comelec gun ban.
