Gikakurat sa caretaker sa Ancestral home ang giingong pagluha ug dugo sa imahe ni St. Veronica nga nahumutang sa may brgy. Poblacion 1 dakbayan sa Carcar.Sa imahi kita ang giignong dugo nga mitulo sa iyang tuong mata hangtod sa gisuot nga sinina niini.Matud ni Ricky Nabua. Caretaker sa sa ancestral home sa pamilyang San Diego nga nanglimbawot ang iyang balhibo sa diha nga nakita niya ang pagluha ug dugo sa imahi.Lakip usab sa adunay giingong lama sa dugo ang gipatapot sa bongbong nga imahe ni Maria ug ni Jesus.
Samtang matud sa usa sa mga miyembro sa pamilyang San Diego nga si si Val San Diego nga adunay dala nga mensahe ang pagluha ng dugo sa imahe nga nahitabo pa sa pagobserba sa Semana Santa.Dili man makasulti kung unsa ang mensahe nga buot ipadangat niini apan matud pa ang mga imahe sa mga santos nagpakita sa presensya sa Ginoo.
Gidugang usab ni Val nga dili kini maoy unang higayon nga adunay katingalahan nga nahitabo sa imahe basi sa pamahayag sa ilang caretakers sanglit kaniadto sa tuig 2004-2005 giingong mihilak na ang maong imahe apan wala kini gibutyag sa publiko.Apan gumikan kay dugo naman ang luha niini nga nakadesisyon ang pamilya nga isapublikar kini.Subay niini nagsingabot ang mga tawo aron pagsaksi sa imahe sa maong santosAdunay mituo nga usa kini ka milagro ug adunay kini’y dala nga mensahe.Nasayran nga niadtong 1870’s pa ana a na pamilyang San Diego ang imahe ni St. VeronicaAminado si Val tunga ang hunahuna sa mga tawo sa panghitabo ug matud pa niini anaa sa tagsa tagsa kung tinuod ba kini,nagdala ba kini ug mensahe ug usa ba kini ka milagro.
Apil nga iprosesyon karong adlawa ang imahe ni Santa Veronica nga giingong miluha ug dugo diha sa may.Matud pa ni Val San Diego miyembro sa pamilya nga nanag-iya sa imahe nga naandan na nila nga matag semana Santa partikular na na sa Miyerkules Santos, Biyernes Santo ug Dominggo sa Pagkabanhaw.Apan gumikan sa maong panghitabo gikabalak-an niini ang posibleng pagdumog sa mga tawo sa maong imahe.Hinungdan nga gipanawagan niini sa mga tawo nga mokuyog sa prosesyon karong adlawa sa dakbayan sa Carcar nga dili lang modumog.Gidugang niini nga angayan nga mapanimanan sa matag usa ang tinud-anay nga kahulugan sa biyernes Santo.
