Cebu City– Sikop sa gipahigayong buybust operation sa Mambaling Police Station ang giingong sinaligan sa inilang drug Lord sa Central Visayas ngs si Jeffrey Jaguar Diaz . Ang subject ang giila nga si Arnulfo Abellana, 52 anyos ug residente sa Sitio San Vicente Brgy Duljo Fatima dakbayan sa Sugbo.
Matud ni Police Senior Inspector Eduardo Sanchez, ang hepe sa Mambaling Police Station nga ilang gipaubos sa duha ka semana nga surveillance si Abellana ug ila gayong nakumpirma nga padayon gihapon kini sa pagpamaligya og iligal nga drogas bisan pa man nga misurender na kini sa gipahigayon nga Oplan Tokhang.Nakuha sa subject ang mga nagkadaiyang pakete sa gituohang shabu nga adunay DDB Value nga mukabat sa P185,000.
Gibutyag usab ni Sanchez nga kasagarang kustomer ni Abellana mao ang mga estudyante nga nagtungha sa usa ka tunghaan nga duol sa Mambaling. Samtang gihimakak naman ni Abellana nga sinaligan siya ni Jaguar. Matud niini nga nakaila lamang niya ang inilang drug Lord sanglit usa lamang sila ka barangay.
Wala usab matud pa siya namaligya kundi tiggamitan lamang. Kasamtangang nagtingkagol karon sa Mambaling Police Station lock up cell ang dinakpan samtang gi-andam na ang tukmang kaso nga ipasaka batok kaniya.
