Cebu City- Gideploy na ang kapin 4,000 personnel gikan sa nagkalain-laing ahensya sa gobyerno para usab sa subling paghost sa Cebu Association of Southeast Asian Nation Meetings nga sugdan sa umaabot nga Hulyo 1 hangtod Hulyo 7 karong tuiga. Sa wala pa ang official send off kay naghalad usa kini ug misa para sa hapsay ug malinawn nga pagpahigayun sa nahisgutang international event sa Sugbo.
Matud ni Police Regional Office -7 Director Police Chief Supt. Noli Talino, nga mas gipahugatan pa ang seguridad ang ipatuman mahitungod na usab sa nagpadayun nga kagubot sa Marawi City. Matud pa ni Talino nga full security ang ihatag sa mga delegado ilabi na sa mga tour niini ug sa mga hotel nga gi-istaran. Giklaro usab ni Talino nga basi sa intellegence monitoring kay wala kini namonitor nga hulga sa seguridad sa Sugbo.
Gawas sa mga tropa sa kapulisan ug sundalo sa Central Visayas, niabot na usab ang augmentation force gikan sa National Capital Region. Dugang pa ni Talino nga nagsugod na ug pangabot ang pipila ka mga delegado sa ASEAN, karong adlawa. Gawas sa security, inplaced na usab ang medical emergency services sa Department of Health kung diin naka code white na ang mga ospital sa Sugbo.
Gilauman nga anaa sa 300 ka mga foreign ug local delegates ang manambong sa ASEAN meetings sa dakbayan sa Sugbo.
