Cebu City– Napalgang patay ang usa ka babae sulod sa usa ka subdivision sa Phase 3B Camella Homes, Lawaan, Talisay City .
Giila ang biktima nga si May Azalia Albasin, 33 anyos, residente sa maong dapit ug nagdumala og usa ka lotto outlet. Basi sa initial nga imbestigasyon ni Supt Jason Villamater nga adunay puti nga SUV ang mihunong sa may sagbutan nga bahin sa subdivision og naay gihagbong nga babae pasado alas 10 kahapon sa buntag . Wala dayon mailhi ang biktima tungod kay nag-ubo man kini sa dihang nakaplagan apan positibo kini nga giila sa inahan nga si Remy Lugan.
Nasayran nga adunay 9 anyos nga anak ang biktima ug buwag sa kanhi bana apan aduna kini kasamtangang ka live in partner Nasayran usab nga sige og away ang biktima ug ang kapuyo niini gani katapusan nga nakit-an sa inahan ang biktima nga kaaway ang kapuyo niini gawas sa ilang panimalay.
Giingong mi-file na usab kaniadto ang biktima og VAWC tungod kay gikulata kini sa iyang ka live in.
Sa karon wala pay motibo ang kapulisan sa maong insidente apan usa sa mga person of interest ang kalive in partner niini ug karon padayon pa nga gipangita
