CEBU CITY – Patay ang usa ka Koreano human nga gitu-uhang gikawatan sulud mismo sa hotel kung diin kini kasamtangang nagpuyu.
Giila ang biktima nga si Jo Hyoyoung, 34 anyus ug lumad nga taga Korea.
Gisaysay ni SPO1 Jasmine Tamayo sa homicide section sa Cebu City Police Office (CCPO) nga nakita sa attendant sa hotel nga wala na’y kinabuhi ang biktima hinungdan nga dali kini nga mitawag ug pulis.
Matud pa nga basi sa ilahang inisyal nga imbestigasyun, gitu-uhan nila nga robbery ang hinungdan sa pagkamatay ni Hyoyoung kung diin nakita nga gigapus kini ug aduna kini samad sa iyahang li-ug.
Dugang pa nga nawagtang usab ang mga mahalun nga gamit sa biktima ug nakita nga nagkagubot na ang kwartu niini tima-ilhan nga gikawatan ang biktima.
Samtang usa pa usab ka Koreano ang nakita nga patay sulud sa usa ka iladu ug mahalon nga hotel dinhi sa Sugbo kung diin giila kini nga si Lim Jaemin, 42 anyus.
Apan giklaru ni Tamayo nga gumikan sa sakit nga diabetes hinungdan nga namatay ang nahisgutang koreano.
