Cebu City- Gitangtangan og deputation power ang Mayor sa lungsod sa Ronda Probinsya sa Cebu nga si Mayor Mariano Blanco sa National Police Commission o NAPOLCOM.
Kini human nga giingong nalambigit ang Mayor sa iligal nga drogas basi na usab sa intelligence report nga nakaabot pa mismo sa Palasyo. Matud ni Atty. Risty Sibay ang spokesperson sa NAPOLCOM-7 nga migawas ang naasoy nga desisyon sa pagtangtang sa control ug supervision sa Mayor sa NAPOLCOM en banc niadtong Oktubre 30 ug hingpit na kini nga gi-serve karon.
Hinoon gitino ni Sibay nga mamahimong mabalik pa ang deputation power ni Mayor Blanco kung adunay kamanduan ni President Rodrigo Duterte nga ibalik kini.
Samtang gibutyag usab ni Mayor Mariano Blanco nga limpyo ang iyang konsensya. Matud niya nga dili niya masabtan kung nganu nga nalambigit ang iyang pangalan sa intelligence report nga wala man siya naghimo sa ingon.
Gihimug-atan sa mayor mga muapelar siya sa NAPOLCOM apan gitata niini nga musuporta gihapon siya sa pulis.
Nasayran nga ika 3 na si Blanco sa mga lokal nga opisyal nga natangtangan og deputation power nunot ni Cebu City Mayor Tomas Osmeña ug Ex-General ug karon Daanbantayan Mayor Vicente Loot.
