Cebu City– Mukabat sa kapin 20 mil ka mga tawo ang misaksi sa gipahigayon nga Sinulog sa Kabataan sa Lalawigan.
Kini maoy pagbana-bana ni Police Chief Inspector Kieth Andaya , ang event ground commander sa Cebu City Sports Center.
Matud niini nga atol sa maong kalihukan wala silay nadawat nga mga report o kung unsa man nga mga alarma kalabot sa maong aktibidad. Gibutyag usab niini nga so far wala silay na respondihan nga mga emergency alarms bisan ug katong mga nanginahanglan ug medical attention. Suma total, gihulagway ni Andaya nga generally peaceful ang maong kalihukan. Una niini mipakatap ug mga kapulisan sa lugar ang Cebu City Police Office aron sa pagsiguro sa kaluwasan sa mga misalmot sa maong kalihukan.
Samtang subli nga nakuha sa Talisay City Elementary School ang kadaugan sa Ritual Dance Showdown sa gipahigayon nga Sinulog sa Kabataan sa Lalawigan diin nakadawat kini ug 350 thousand pesos ug trophy. Ikaduha sa maong category ang Carcar City Division nga nakadawat ug 250 thousand pesos ug trophy , ikatulo ang Bogo City nga dunay ganti nga 200 thousand pesos plus trophy, ika upat ang Municipality of Tuburan 100 thousand plus trophy ug ika lima ang tribu Ginatilan nga nakadawat ug 100 thpousand pesos ug trophy.
Best in Street Dancing usab ang Municipality of Tuburan nga dunay 50 thousand pesos nga ganti samtang ikaduha lamang ang Talisay City Elementary School nga dunay 30 thousand pesos nga ganti ug ikatulo ang Carcar City Division bga nakadawat ug 20 thousand pesos ug trophy. Nakuha usab sa Talisay City Elementary School ang Best in Costume ug 50 thousand pesos ug trophy.
Samtang sa best in Musicality, nakuha sa Talisay City Elementary School ang unang pwesto ug 50 thousand pesos, gisundan sa Carcar City Division, Bogo City, Municipality of Tuburan ug naa sa ika lima ang Tribu Ginatilan.n Nasayran nga dunay 7 ka mga contingents ang Sinulog sa Kbataan sa lalawigan ug ang mga mananaog ang automatic nga apil sa sinulog grand mardigras sa Enero 21.
