Cebu City-Gikalipay ni Kanhi Albuera Leyte Chief of Police , Police Chief Inspector Jovie Espenido ang kamatayon ni Atty Jonnah John Ungab.
Matud ni Espenido nga dili ang pag ka abogado ug ang pagka bise Mayor ni Ungab maoy hinungdan sa iyahang kamatayon inay ang pagkalambigit niini sa ginadiling drogas. /Gibutyag ni Espenido nga si Ungab ang dili lamang abogado ni Kerwin apan giisip niya kini nga partner sa iligal nga negosyo sa self confessed drug Lord sa Visayas.
Matud pa nga si Ungab ang nalakip sa administrative nga aspeto sa negosyo ni Kerwin siya ang giingong mag atubang sa mga abogado ug sa mga legal nga aspeto.Gihimug-atan pa sa kanhi Albuera chief nga walay dautan sa pag ka abogado sanglit ila man kanang gi sumpaan nga trabaho nga mulaban sila sa mga tawo nga nag kinahanglan sa ilang serbisyo apan wala kana nagpasabot nga gikinahanglan malambigit usab sila sa iligal nga binuhatan sa ilang kliyente.
Suma pa niini nga suweto siya sa pagkatawo ni Ungab sanglit dugay man siya ng chief of police sa Albuera maong dili siya masipyat sa mga nahimong kauban sa mga Espinosa sa ilang iligal nga negosyo.
Matud pa ni Espenido nga kung gusto sa usa ka tawo nga mutaas pa ang iyahang kinabuhi ,gikinahanglan nga dili kini mudapig sa dautan. Nasayran nga nalakip si Atty. Ungab sa 83 ka mga government ug elected officials nga gipasakaan ug kaso ni Espenido sa Ombudsman ug sa DOJ.
