CEBU CITY – Pormal nang paga-ablihan ang Central Visayas Regional Athletic Association (CVIRAA) 2018 karung hapon sa Carlos P. Garcia Sports Complex sa probinsiya sa Bohol.
Ang maong regional sporting meet ang tambungan sa 19 ka mga division lakip na niini ang Negros Island Region (NIR).
Gipahibalu ni Dr. Bianito Dagatan, ang assistant Schools Division Superintendent nga sugdan ang programa pinaagi sa usa ka misa sa simbahan ug pagkahuman muparada ang mga atleta paingun sa nahisgutang sports complex.
Karung buntag usab pagasugdan ang mga ball games.
Subay niini, nanghina-ut si Dagatan nga mu maayu ang lakat sa panahon arun nga dili maapektuhan ang mga players sa ilahang mga apilan nga duwa.
Samtang gilauman usab ang presensya ni Presidential Spokesperson Harry Roque sa opening sa nahisgutang sporting meet.
Ang CVIRAA 2018 ang mulanat ug usa ka semana kung diin gisugdan na kini kagahapung adlawa, Pebrero 24 hangtud na kini sa Marso 2.
