Cebu City- Pare-pareho lang ang nahimong sentimento sa Region -7 sa mga nauna nga mga public hearing kalabot sa hisgutanan sa pag-amyendar sa 1987 constitution.
Kini mao ang nahimong pamahayag ni Senator Francis “Kiko” Pangilinan ang chairman sa Senate Committe on Constitutional Amendments and Revision of Codes sa gipahigayong public hearing akrong adlawa sa Cebu Capitol.
Matud sa senador nga klaro ug tataw nga sa Rehiyon -7 daghan usab ang dili gusto sa constitutional assembly (Con-as) tungod kay mamahimong adunay mistrust kung ang mga politiko moa ang mag-amyendar sa batakang balaud. Aduna usab pipila ang gusto nga madugangan ang pundo sa mga local government ug dili angayan nga mipokus lang sa mga resources sa Maynila.
Ubay-ubay usab ang gusto sa federalism ug daghan ang gusto nga iduso ang pag-amyendar sa logal goverment code para mapun-an ang pundo sa mga nagpuyo sa bukirang bbahin
Matud sa senador nga pare-pareho lang ang mga sentemento mao nga mas naglisod sila karon kung unsa ang mamahimong resulta niini.
Samtang, nauwahi usab si Cebu Archbishop Jose Palma sa gipahigayong Public hearing apan gitagaan gihapon kini og higayon nga makahatag sa iyang habig kalabot sa maong hisgutanan.
Hinoon, wala na ni Palma gibutyag kung uyon ba siya nga i-amendar ang 1987 constition, iya nalang nga gi-ampo nga matagaan og linaw nga panghunahuna ang misalmot sa public hearing ilabina ang katawhan nga maoy magdedisyon niini.
Bugtong gusto sa arsobispo nga mamahimong maayo ang resulta niini.
