Cebu City- Bikil sa trabaho ang usa sa mga napanglantawan karon nga motibo sa Manduae City PNP sa pagpusil patay sa kanhi Police nga si SPO1 Rey Soco Manatad kagahapon sa may Sitio Riverside, Barangay Canduman, Mandaue City.
Una niini, basi sa imbestigasyon nagkanayon ang tigpamaba sa MCPO nga si PCI Mercy Villar nga ang kanhi police nga karon usa ka nga collector sa usa ka security agency nga nakabasi sa Concolacion susama nga gibantayan na sa area kung asa kini mangolekta sanglit gi-atangan man kini atol sa krimen ug giluyo pa pagpusil kung diin naka-angkon kini og dili muminos 5 ka pinusilan sa nagkadaiyang bahin sa iyang lawas ug aduna usab sa ulo nga maoy hinungdan sa iyang kamatayon.
Matud pa nga human nga mi-agi si Manatad sa maong lugar kalit lang kini nga gipusil sa wala pa mailhing mamuno. Nasayran usab matud sa kapuyo ni Manatad nga sa wala pa kini namatay adunay nangita niini sa ilang balay nga susamang nasuko apan mi-ingon lang si Manatad nga usa kadto sa iyang nasilo. Hayan, mao kini ang gitan-aw usab karon sa mga kapulisan nga posibleng motibo sa pagpatay.
Si Manatad kanhi na destino sa MCPO niadtong 2010-2016 apan human sa gipahigayon nga drug test, usa kini sa nagpositibo hayan gi-pasakaan kini og kasong administriba ug gidestino sa PRO- Cordillera. Wala pa nasuta kung kini hingpit na ba nga nadismiss sa iyang pagkapulis human nga nasuta nga usa na kini ka collector karon.
Gitino ni Villar nga wala silay nadawat nga info nga si Manatad nalambigit sa pagpayuhot og iligal nga drogas ug bugtong ang pagamit lang niini og iligal nga drogas ang anaa sa ilang record.
