Cebu City- Unom ka mga tawo nga gituohang miembro sa teroristang grupo sa Communits Party Of the Philippines New Peoples army ang nasikop human sa nahitabong enkwentro tali sa mga sakop sa 62nd Infantry (Unifier) Battalion, 3rd Infantry (Spearhead) Division, Philippine Army sa Brgy Luyang, Mabinay Negros Oriental .
Una niini nagpahigayon ug community security patrol ganihang kaadlawon ang PNP ug Philippine Army sa bukirang bahin sa Mabinay ug Manjuyud human naabot mismo ni 62IB commander , LTC Darrel Bañez ang reklamo sa mga sibilyan kabahin sa gihimong harrasment ug extortion sa mga teroristyang grupo. Samtang nagpahigayon sa ilang pagpatrolya sa Sitio Tumon ang mga otoridad, duna silay naka engkwentro nga gibana -banang muabot sa 20 ka mga armadong tawo kinsang matud pa unang nagpabuto sa mga sakop sa Philippine Army. Milanat ug 45 minutos ang pagsinukli-ay ug bala sa duha ka habig.
Nasikop ang 6 ka mga gituohang miembro sa NPA lakip na ang 2 ka mga menor de edad ug usa ka giingong Mass Communication student sa University of the Philippines -Cebu .Nakuha gikan sa mga dinakpan mao ang 6 ka mga nagkadaiyang high powered firearms .
Nasayran nga sa wala pa mahitabo ang engkwentro nadiskubrehan usab sa militar ang abandonandong encampment sa mga NPA sa Brgy Samac sa lungsod sa Mabinay ug Brgy Panciao sa Manjuyod sa probinsya sa Negros Oriental.
Ang teroristang grupo usab ang gipasanginlang nag sunug sa tractor sa La Castellana ug truck hauler sa Canlaon City.
