Cebu City-Gitino ni Commission on Human Rights Commissioner Roberto Cadiz nga dili 100 porsyento ang ilahang pag uyon sa subpoena powers nga gihatag sa PNP chief ug sa deputy director sa CIDG .
Sa pakighinabi sa Bombo Radyo Cebu ngadto ni Commisioner Cadiz, gibutyag niini nga nabalaka sila sa maong gahum nga gihatag sa kapulisan sanglit dili malayo nga kini ang maabuso.
Suma niini nga gumikan sa kakuwang sa implementing rules and regulations sa paggamit sa maong gahum, gikahadlukan nila karon nga maabuso kini sa kapulisan.
Gibutyag usab ni Cadiz nga naalarma usab sila sa dihang miluwat ug pamahayag si PNP Directopr General Ronald dela Rosa kabahin sa gikaingong ibase na lamang sa common sense ang pag desisyon sa pag issue nila ug subpoena.
Gihimug-atan ni Cadiz nga ang pag issue ug subpoena ang gibuhat lamang sa mga tawong suheto sa balaud ug dili sa bisag kinsa lang nga opisyal.
