Cebu City-Paabuton na lamang sa kongreson kung unsa ang mamahimong aksyon sa senado sa bag-uhay lamang napasar sa ubos balay balauran nga divorce bill .
Matud ni North District Representative Raul Del Mar nga bisan ug usa siya sa mga nisupak sa maong balaudnon, wala naman kini mahiumo sanglit nakahukom naman ang mayorya kanila nga ipasar kini sa kongreso. Suma pa niini nga kung siya lang ang opangutan-on dili na kinahanglan ang diborsyo sa Pilipinas sanglit duna na tay legal separation ug annulment.
Gihimug-atan usab niini nga usa ka kalapasan sa balaud ang diborsyo sanglit nakalaitd mismo sa konstitusyon nga gikinahanglan nga panalipdan sa estado ang kaminyuon apan gumikan sa pagpasar sa divorce bill , inay nga panalipdan, gidaut na hinuon ang kaminyuon.
Wala matud pa usab garantiya nga makatabang sa pagsulbad sa problema sa magtiayon ang diborsyo inay makahatag pa kini ug dako nga epekto hilabi na sa mga anak nga mapiit na unya sa kagubot tali sa ilang ginikanan.
Gilauman usab nga mamahimong mainit kini nga hisgutanan sa senado ug dili kini dayon diha diha dayon maaprubahan.Matud pa nga 2 ngadto na sa tulo ka semana gikan karon mapasa na sa senado ang bersyon sa maong balaudnon.
