CEBU CITY-Dugay na matud pa nagduda si kanhi House Committee on Justice Chairman, Niel Tupas Jr. nga agi-an ni CJ Maria Lourdes Sereno ang impeachment complaint nga gi-atubang niini karon.
Sa pakighinabi sa Bombo Radyo Cebu kang Tupas, giingon niini nga sukad pa niadto nga nag-apply pa lang si Sereno sa posisyon isip chief Justic, kontrobersyal na kini tungod kay siya ang Junior sa tanang mga justices nga mi-apply.
Matdu pa usab niini nga sa kultura sa Korte Suprema, kung kinsa ang pinaka senior sa mga aplikante mao kini ang mahimong CJ sukwahi sa nahitabo karon. Dili matud pa angayan nga tan-awon ang seniority sa mga mi-apy apan ang qualification niini.
Sigon usab ni Tupas nga interesante kining panghitabo-a sanglit first time kini sa kasaysayan nga gitagaan og pagtagas sa korte suprema ang qou warrantor sa usa ka impeachable official imbis nga i-dissmiss kini.
Gihimug-atan niini nga walay gahom ang qou warrantor tungod kay lapas na 6 ka tuig na sa serbisyo si Sereno ug impeachment lang ang makataktak niini.Matud usab sa abogado nga bugtgong ang Judicial and Bar council o JBC lang ang makadetermine sa application ni Sereno ug dili ang SC.
Nunot niini, gikwestyon usab ni Tupas ang nahitabo kalabot sa gihimong oral defense sa nakalabay nga mga adlaw. Tataw niya nga nakapasar sa Screening sa Judicial and Bar council si Sereno hayan nagpasabot lang kini nga adunay substantial compliance sa mga requirements si Sereno mao nga gi-appoint siya sa Presidente.
Dugang pa niini nga kinahanglan atangan kini sa publiko sanglit wala gyuy nasayod kung unsay sunopd nga mahitabo ug kung ugaling mulampos kini, wala na siya matud pa mahibaw kung unsay matabo sa mga justices sa Supreme Court.
