CEBU CITY – Gipamatud-an lang matud pa ni Presidente Rodrigo Duterte nga guilty siya sa gipahigayong imbestigasyon sa ICC kalabot sa giingong extra judicial killings. Kini ang pamahayag ni Magdalo Representative Cong. Gary Alejano.
Kini human nga mihulga ang presidente nga arestohin si ICC prosecutor Fatou Bensouda kung musulod kini sa Pilipinas.
Matud ni Alejano nga makalolooy kaayo ang nasud nga Pilipinas sa mga statement nga gipangbuhi-an sa Presidente. Sigon niini nga matag pulong nga mugawas sa baba niini mureplek gyud sa nasud.
Tungod sa maong hulga, posible nga di mu-anhi sa Pilipinas ang investigator sa ICC sa hadlok. Usa usab kini matud pa nga senyalos nga mi-atras ang development sa Pilipinas.
Wala usab uyoni ni Alejano ang pamahayag ni Duterte nga ang ilang gipirmahan nga Rome Statue wala nakapublished sa Official Gazzete mao nga walay basihan nga miyembro ang Pilipinas sa ICC.
Nagkanayon usab ang congressman nga gilingla lang niini ang publiko tungod kay dili man gyud angayan nga i-publish kini.
Kinahanglan matud niini nga angayang naay buhaton kalabot sa maong hisgutanan kundi walay padulngan ang atong nasud.
