CEBU CITY – Gikondenar sa Akbayan ang nahitabo ni Giacomo Filibeck, ang deputy secretary general sa Party European Socialists human kini gibabagan ug wala gipasulod sa Cebu gahapong adlawa para unta musalmot sa Akbayan Partylist Congress diin gi-imbitar kini isip guest.
Sa mensahe nga gibutyag sa Akbayan Youth Cebu nga si Justine Balani, matud pa nga nahadlok si Duterte sa aksyon nga ihamtang sa uban nga nasud batok sa EJK.
Nasayran nga gi-hold sa airport ang Europian Socialists ug dali usab nga gideport.
Hinungdan nga gikonsiderar kini nga usa ka lakang para pugngan ang ilang tingog para sa tawhanung katungod.
Samtang, una na nga nasuta nga usa ka parte si Filibeck sa international human rights mission niadtong Oktubre 2017 diin ang EU Parliamentarians ug NGO leaders, wala mauyun sa nahitabong patay sa kampanya ni Presidente Duterte batok iligal nga drogas.
Kumbinsido usab si Balani nga adunay gitago ang presidente ug matud pa senyales ang aksyon niini nga gustong babagan ang ilang paningkamot nga mahatagan ug hustisya ang pagkamatay sa mga inosenteng Pilipino.
