CEBU CITY-Gibutyag ni Cebu City Mayor Tommy Osmeña nga LRT projects ang hinungdan kung nganung dili madayun ang Bus Rapid Transit (BRT) projects sa Dakbayan sa Sugbo.
Kini human nga nipresent na si Presidential Assistance for the Visayas Michael Dino ngadto sa DOTr kalabot sa dili pagpadayun sa BRT gumikan nga dili man kini ang sulbad sa trapik.
Apan bisan paman niini, gibutyag ni Osmena nga iya gihapong hingusgan ang pagpatuman sa BRT sa Sugbo pinaagi sa paghimo ug report ngadto sa World Bank kalabot sa pagpakgang ni Dino sa maong proyekto.
Gani, nagkanayon pa ang maong mayor nga basi sa bilateral agreement, makapenalty ug 14 milyon ka pesos ang syudad sa Sugbo isip commitment fee sa maong proyekto.
Samtang, nipasiyata usab si Dino nga binilyon masave sa lokal nga kagamhanan kung dili ipadayun ang BRT Projects nga makaguba lang sa syudad.
