2.4 million pesos nga kantidad sa Marijuana plants nasakmit sa mga PNP atol sa ilang pagpatrolya

CEBU CITY-Mukabat ngadto sa 2.4 milyon nga kantidad sa marijuana ang naibot sa mga otoridad sa Sitio Malagaring, Barangay Basak, lungsod sa Badian kagahapong adlawa.

Kini subay na sa pagpatrolya sa 2nd Provincial Mobile Force Company ug Philippine Drug Enforcement Agency (PDEA)- 7 sa nahisgutang dapit.

Matud ni Police Senior Supt. Edgar Allan Okubo, ang provincial direktor sa Cebu Provincial Police Office (CPPO) nga subli nila nga gimonitor ang mga bukirang bahin sa probinsya human sa sunod-sunod nga pagkakaplag ug mga plantation sa marijuana sa nagkadaiyang dapit sa Sugbo.

Hinuon, gibutyag ni Okubo nga anaa na ang mga nakumpiskar nga mga fully grown nga marijuana sa buhatan sa PDEA-7 ug ang pipila gipangsunog na.