CEBU CITY- Gihimakak ni Department of Foreign Affairs (DFA) Sec. Allan Peter Cayetano ug Department of Labor ang Employment (DOLE) Sec. Silvestre Bello III ang migawas nga taho nga nagsiyagitay sila sa dihang nagkita kini sa Malacañang kalabot sa pagpatangtang Kuwait sa Philippine Ambassador nga si Renato Villa ug giingon pang naglalisay pa kini kung kinsa ang angayang basulon sa nahitabo sa Kuwait.
Matud ni Cayetano nga dili niya mahimong siyagitan si Bello tungod kay dako ang iyang respeto niini. Sigon niya nga dili usab gusto ni Presidente Rodrigo Duterte nga mag-away away ang iyang mga gabinete hinungdan nga nag-amping sila sa ilang trabaho.
Gitino usab sa DFA Secretary nga wala silay gibasol ni bisan kinsa kalabot sa nahitabo sa Kuwait tungod kay walay matud pa nahimong sayop ang Gobyerno sa Pilipinas sa pagrescue sa mga gidaog-daog nga mga OFW didto.
Samtang, buhaton usab ni Labor Secretary Bello ang gihimo nga pagpakabana ni Cayetano sa maong hisgutan kung naa niya siya sa maong posisyom. Gibarogan usab niya nga wala silay gibasol ug wala usab nahitabo nga sinagitay.
