CEBU CITY-Giawhag karon sa Office of the Presidential Assistant for the Visayas ang Metro Cebu nga mupasar na ug resolusyon aron sa katukuran sa Metro Cebu Traffic Management Council.
Kini maoy nakita sa opisina sa OPAV nga makatabang sa nagka grabeng problema sa trapiko sa Sugbo.Matud ni Jonjie Gonzales, ang chief of staff ni Secretary Michael Dino nga sa higayon nga duna nay Metro Cebu Traffic Council, kini mao nay magdumala sa trapiko.
Plano usab nila nga himuong pangulo sa council ang Department of Transportation kon DOTR. Dako ang pagtuo nila ni Gonzales nga kung mamanage lang pag-ayo ang dagan sa trapiko mamenusan gayud ang kahuot sa mga dalanon.
Suma niini nga kulang lamang sa disiplina ang mga drivers maong gukinahanglan nga duna gayuy mudisiplina kanila.Matud pa nga sa higayon nga magtyinarong ang mga drivers ug mahan-ay ang mga PUJ’s sa mga kadalanan, mamenusan gayud ug 18 percent ang trapiko ug ma improve ang road capacity ngadto na sa 30 porsyento.
Gitunguha usab nila nga mahatagan ug katungud ang mga traffic enforcers nga maka issue to T.O.P ngadto na sa mga badlungon nga mga drivers sanglit sa pagkakaron kung citation ticket lamang gikaingong dili mahadlok niini ang mga drivers.
