Cebu City-Patay ang usa ka lalaki human kini mapusilan sa mga sakop sa Carcar City PNP. Ang namatay ang giila nga si Rommel Caballero ug residente sa Sitio Danao Brgy Valencia Dakbayan sa Carcar.
Matud ni SPO2 Meliton Agadier, sa Carcar City PNP, nga nakadawat sila ug alarma kabahin sa usa ka hubug nga lalaki nga nag wild ug nanukmag sa mga biktima nga sila si Adela Alicia ug Dale Alicia . Matud pa nga hubug ang suspect ug gituohang duna kini problema sa pangisip.
Gisuwayan pa sa mga kapulisan nga e-pacify ang suspect ug ginegosyar nga musserender na lamang apan gikaingong wala kini mupatuo. Mikuha matud pa kini ug sundang ug gisuwayan sa pagtigbas ang mga miresponding pulis.
Nakaangkon ug samad sa iyahang kamot si PO1 Mario Jun Pio hinungdan nga gipsul na lamang kini sa mga otoridad. Gisuwayan pa kini sa pagdala sa tambalanan apan wa na matabang ug gibawi-an gayud sa iyahang kinabuhi.
