Patay ang duha ka lalaki samtang samdan ang duha ka babaye human nalambigit sa aksidente sa kadalanan nga gilambigitan sa duha ka motorsiklo ug usa ka L300 van sa Sitio Gilungsuran, Barangay Poblacion, lungsod sa Ginatilan, lalawigan sa Sugbo pasado alas 11:40 sa kagabhion niadtong Domingo, Nobyembre 1.
Base sa inisyal nga impormasyon, gikan sa habagatang bahin sa Sugbo padulong sa dakbayan sa Sugbo ang L300 van, samtang padulong sa lungsod sa Samboan ang duha ka motorsiklo nga naglatas sa pikas nga lane.
Dugang pa, nga mi counter flow ang driver sa Van gumikan kay mibuto ang wala nga bahin sa atubangan nga ligid niini.
Hinungdan sa pagkaigo sa motor nga gimaneho ni alias “Jennifer” ug misunod ang gimanihoan ni Alias “Jake” nga miresulta sa pagkamatay sa duha ka kaubanan niini.
Daling gidala ang duha ka lalaki apan nakabsan na kini sa kinabuhi.
Samtang, samdan usab ang duha ka babaye nga sakay sa laing motorsiklo human maapil sa maong aksidente, ug gidala usab sila sa ospital alang sa pagpatambal.
Boluntaryo hinoun nga mitahan sa kapulisan ang drayber sa L300 van.
Sa kasamtangan, nabalhog karun ang driver sa Van sa Ginatilan Police Station ug possibleng mag atubang sa kasong reckless imprudence resulting to double homicide, physical injuries, ug damage to property.
