CEBU CITY-“Disrespect” kun walay pagtahud para ni Cebu City Mayor Tomas Osmena ang wala pag-imbitar kaniya ni Presidente Rodrigo Duterte atol sa pagbisita niini sa Sugbo subay Philippine National Game sa nakalabay nga Sabado.
Matud ni Osmeña nga ang wala pag-imbitar kaniya insulto usab sa siyudad sanglit tanan nga mayor giimbitar man matud pa sa presidente.
Hinoon, gitino ni Osmena nga gi-expose lang matud pa sa Presidene ang iyang kaugalingon sa gibuhat niini nga wala pag-imbitar kaniya ug dili madaot matud pa ang siyudad niini.Dugang pa sa mayor nga wala nagpakabana ang presidente sa Siyudad ug sa probinsya sa Sugbo.
Nunot niini, gitataw ni Osmeña nga bisan paman og didto siya niadtong higayona, dili boot pasabot nga iyang gipugos ang iyang kaugalingon nga muadto bisan og wala siya imbitara apan dunay kaalyado niya nga gusto nga makighalubilo mao nga mi-adto ang mayor.
Nasayra nga tulo ka mayor ang wala matud pa giimbitar ni Duterte.Kini sila si Ronda Mayor Mariano Blanco,Mayor Tomas Osmeña ug Daanbantayan Mayor Vicente Loot.
