Saktong pamatasan sa mga kabatan-unan, gustong itudlu sa 4th placer sa LET

CEBU CITY – Gi-ampo ni Hanna Pulvera ang 4th placer sa LET examination ang pagpasar ug ang pagtop niini sa maong exam.

Matud ni Pulvera nga gidunggpog gyud sa Ginoo ang iyang pag-ampo nga magtop sanglit mao gyud kini ang iyang gusto nga profession ang mamahimong magtutudlo.

Gusto matud pa niya nga tudluan ang mga bata sa saktong pamaagi diin usa sa iyang tutukan mao ang pagtudlo ug maayong pamatasan sa mga kabataan.

Kini tungod kay iyang nabantayan nga susama nga wala nay maayo nga pamatasan ang mga bata karon.

Dugang pa usab ni Pulvera nga inspirasyon niya ang iyang ginikanan, ang Ginoo, iyang hinigugma ug ang iyang alma mater.

Nasayran nga si Pulvera usa ka BEED graduate ug wala siyay nakuha nga honor sa College.