CEBU CITY-Sikop ang usa ka Iranian National gumikan sa pagpang hack niini sa system sa iyahang kanhi gitrabahuan nga kompaniya.
Ang operasyon ang gipahigayon sa Anti Cyber Crime Group sa Police Regional Office 7 batok kang Shanin Shateri.
Matud ni Police Chief Inspector Leo Deofiles, ang hepe sa Anti Cybercrime Group nga gi-hack sa suspek ang system sa kanhi gi trabahuan niini nga BPO company gumikan kay nasuko kini human nga gitangtang sa iyahang trabaho.
Gumikan sa ka hawod niini teknolohiya , nasulod niini ang system ug gipangdownload ang tanang kliyente sa maong kompaniya ug iyahang gi padalhan ug mga mensahe aron madaot kini.
Nasayran nga bag-uhay lamang natangtang sa iyahang posisyon isip operations manager ang suspek gumikan matud pa sa kalapasan niini sa mga rules sa company ingon man ang mga reklamo gikan sa iyahang co workers.
Nakuha sa gi-abangan nga apartment sa suspek ang laptop nga maoy gigamit niini sa pagpanghack diin nakuha usab ang files sa mga kliytente sa iyahang kanhi kompaniya.
Kasong kalapasan sa RA10175 kon Illegal access or Hacking ang atubangon sa naasoy nga langyaw.
