CEBU CITY-Patay ang duha ka lalaki human gipusil sa wa pa mailhing mamumuno sa National High way Brgy. Nabuwad Inabangga Bohol pasado alas-11:30 ang takna ganihang buntag.
Ang mga biktima ang giila nga sila si Lupe Hilo Jr., hingkod ang panuigon ug Mario Sanchez, 38 anyos , pulos mga residente sa Brgy. Cantuba Buenavista Bohol.
Matud ni Police Senior Inspector Mercy Balabad, hepe sa Inabangga PNP nga samtang nag motor ang mga biktima, gisundan sila suspek kinsang sakay usab sa motorsiklo ug pag abot sa National highway kalit lamang nga gipamusil.
Nagkadaiyang samad sa ilang kalawasan ang naangkon sa mga biktima nga maoy hinungdan sa ilahang kamatayon.
Nakig-alayon na sab ang Inabangga Police ngadto sa Buenavista Police Station aron masuta ang background sa duha ka mga biktima samtang padayon pa usab ang imbestigasyon sa kaso.
