CEBU CITY – Wala gi-uyunan sa usa ka environmentalist ang pamahayag sa Malacañang nga ang whale shark sighting ang indikasyon nga nagmalampuson ang gobyerno sa pagpaningkamut niini nga ma-rehabilitate ang isla sa Boracay.
Sa pakighinabi sa Bombo Radyo Cebu kang Vince Cinches, ang Ocean campaigner sa Greenpeace Philippines, gibutyag niini nga wala nagpasabut nga adunay butanding nga nakita sa isla hayan maayu na ang resulta sa gipahigayun nga rehabilitasyon sa gobyerno sa Boracay.
Matud pa ni Cinches nga inay nga himu-ung basihan sa gobyerno ang nakita nga butanding nga naabut na niini ang kalampusan, mas maayu nga ipaabut sa publiko ang ti-unay nga katuyu-an sa gobyerno sa pagpaayu sa isla.
Hinu-un, giklaru niini nga iyahang nasabtan ang reaksyon sa gobyerno ug bunga lang kini sa kahinam sa kalampusan sa rehabilitasyon.
Apan gihimug-atan sa maong environmentalist nga dili igu ang unum ka buwan alang sa pagpaayu sa isla ug giingung daghan pa ang gikinahanglan nga ikunsidirar ang gobyerno una ibutyag nga milampus ang ilahang pagpaningkamut nga mabalik ang kaanindut ug kalimpyu sa isla sa Boracay.
