Cebu City Giingong susamang mga ‘fall guy’ ang mga nasikop nga suspect sa pagpusil patay sa kanhi Assistant City Prosecutor sa Cebu City nga si Atty. Salvador Solima.
Kini human nga dali ra kaayo nasikop ang 3 ka mga suspects nga sila si Ricarte alyas “blue fox” Delcoro ug ang managsoon nga si Alberto Baluyos Jr. ug Alvin Baluyos.
Matud ni Alberto Baluyos Jr, ang gitumbok nga mastermind sa pagpusil patay kang Solima, giingin niini nga dili niya mamahimong patyon ang abogado tungod kay kini man ang nag-acquit niya sa kasong robbery ug homicide diin natanggong siya sa prisohan sulod sa 10 ka tuig.
Gani stay in errand boy kini sa balay ni Solima sulod sa usa ka tuig. Apan gi-angkon ni Solima nga aduna 5 million pesos pa nga utang ang asawa ni Solima nga si Verrose Solima kaniya human nga gibaligya niini ang iyang yuta sa kantidad nga 7.5 million pesos.
Gitino ni Baluyos nga ang asawa ni Solima maoy naay atraso niya ug dili ang napatay nga abogado. Samtang gihimamak usab sa igsoon ni Alberto nga si Alvin nag nalambigit siya sa maong krimen sanglit mao pay pag-abot niya dinhi sa Sugbo ug mangaply unta siya og trabaho.
Gani miduaw pa kini sa lubnganan sa iyang amahan ug apohan ug didto gipick up matud pa sa mga pulis.
