Cebu City– Duha ang patay samtang 4 ang naangol sa nahitabong panagbangga sa tricycle ug mini bus sa Brgy Magay , Compostela Cebu , Sabado sa buntag.
Ang mga namatay mao sila si Mary Grace Tale, residete sa Guiwanon Compostela Cebu ug EJ Rose Halipa, residente sa Estaca Compostela Cebu ug pulos mga trabahante sa Mitsumi sa dakbayan sa Danao.
Base sa imbestigasyon sa Clompostela PNP, ang mga biktima ang sakay sa tricycle nga gimaneho ni Michael Francisco , 28 anyos ug residente usab sa lungsod sa Compostela ang paingon unta sa dakbayan sa Danao apan pag abot sa National Highway sa Brgy Magay, ilang nakasugat ang usa ka mini bus nga gikan sa Sogod ug paingon sa dakbayan sa Sugbo. Nasuta nga nag overtake ang minibus nga gimaneho ni Ricardo Rivera sa gisundan niini nga sakyanan hinungdan nga nalbundol niini ang tricycle nga gisakyan sa mga biktima.
Gumikan sa kakusog sa impact nangalagpot ang mga pasahero sa tricycle ug akssidente usab nga nalatayan sa misunud nga minibus nga gimanaeho ni Juan Davidon sila si Tale ug Halipa.
Gumikan sa grabeng samad nga naangkon, patay diha diha dayon ang duha ka mga babaye samtang gidala sa tambalan ang 3 ka uban pang sakay sa tricycle nga sila si Evangeline Davidon, Sherry Mae Moreno ug Wila Flor Mollena.
Naka detain na usab sa Compostela custodial center ang duha ka mga driver sa mini bus.
