CEBU CITY – Isolated case lang matud pa ang tan-aw sa Muslim Community sa nahitabong car bombing sa Lamitan City, Basilan nga gikamatay sa 10 ka tao ug gika-angol sa laing pang 9 ka mga pasahero niadtong Martes sa buntag.
Matud ni Ustadz Najib Razul ang presidente sa Voice of Islam Foundation sa Cebu nga sa tan-aw nila karon samtang nagpahigayon pa og lawom nga imbestigasyon kalabot sa nahitabo, daghan tino pa niini nga anggulo ang gitan-aw apan dako ang posibilidad nga isolated case lang kini.
Gihimuhg-atan ni Razul nga dili pa pwede ingnong nalambigit niini ang usa kanila sama sa gi-aresto nga Ustadz sa Lamitan City gumikan kay iya matud pa ang sakyanang mibuto. Dunay lain matud pa nga posibilidad nga mamahimong hinungdan sa panghitabo sama na lang sa mga pasahero nga posible usab nga suspect.
Apan bisan paman wala gisakliway ni Razul ang posibilidad na posibleng mga muslim groups ang mihimo niini sa rason nga ilang ipakita nga wala kini makaayon sa Bangsamoro Organic Law (BOL).
Kung kini matud pa ang hinungdan sa nahisgutang pagpabuto, sigon ni Razul nga “unfortunate” kini imbis nga malipay unta sila kay mipirma na sa BOL si Presidente Rodrigo Duterte mihimo naman hinoon ug kadaot.
