CEBU CITY – Padayon pa gihapon ang mga follow-up investigation sa kapolisan kabahin sa pag-ambush patay sa PDEA-7 agent nga si Von Rian Tecson sa Brgy. Perrelos, siyudad sa Carcar probinsya sa Sugbo kagahapon sa hapon.
Kabahin sa trabaho ang gitutokan karon sa kapolisan gumikan kay matod pa sa live-in partner ni Tecson aduna kini nadakop nga mga bigtime drug lord sa niagi’ng tuig og sa milabay na nga tulo ka buwan.
Matod pa ni PO2 Jomari Villar, imbestigador sa Carcar Police Station, nga pagasubayon pa ang igo sa CCTV kabahin sa nahitabo’ng krimen og maayo ra usab ang koordinasyon sa han-ay sa PNP.
Pamahayag usab ni Villar nga wala’y nakita’ng kabhang sa armas si Tecson ang Scene of the Crime Opreratives (SOCO).
Nasayran na usab ang plaka sa SUV nga sakyanan nga back-up sa mga gunmen, apan dili pa kini ibutyag sa publiko.
Panawagan ni PO2 Villar ngadto sa mga nakasaksi sa insidente nga makig-alayon sa kapolisan aron mas mapadali ang imbestigayon.
