CEBU CITY – Giklaro ni PRO-7 Regional Director PCSupt. Debold Sinas nga dili kalambigitan sa pag-ambush ni PDEA agent Von Rian Tecson ang pulis nga matud pa napusilan sa susamang adlaw nga gibanhigan si Tecson.
Giangkon ni Sinas nga dunay police nga napusilan apan tungod kini sa accidental firing atol sa gihimo niini nga validation sa lungsod sa Pinamungahan tungod kay matud pa naa kini gimonitor nga usa ka High-Value Target drug personality nga kanhi police nga ginganlan og PO3 Baselio Nilo Quirante.
Gikompirmar usab ni Sinas nga maong pulis mao si SPO1 Roderick Balili ug dako kining buhi. Gani ila kining karong gibantayan ug lauman nga muatubang kini sa publiko. Si Balili sakop sa Regional Special Operation Group (RSOG)
Hinoon, nunot niini nagkanayon si Sinas nga maghimo siya og separate investigation kalabot sa panghitabo kung ngano naay accidental firing ug lahi usab nga investigation sa pag-ambush patay ni Tecson.
Dugang pa ni Sinas nga kung duna usab boot mu-imbestigar niini, welcome kini para kanila.
