CEBU CITY-Patay ang usa ka high value target drug pusher human misukol sa gipahigayo’ng buybust operation sa Drug Enforcement Unit sa Cebu Provincial Police Office sa may Sitio Kimba Brgy. Cansujong siyudad sa Talisay probinsya sa Cebu kaganihang hapon.
Giila ang namatay nga subject nga si Socrates Dacay alyas “Isoc”, 35 anyos ug residente sa nahisguta’ng lugar.
Matod ni PSI Alejandro Batobalonos ang nangulo sa operasyon nga nabantayan matod pa ni Dacay nga police ang iyang ka-transaction hinungdan nga nidagan kini padung sud sa ilang balay.
Wala pa nakasud ang mga pulis sa balay ni Dacay nakation na kini hinungdan nga nibawos usab ang mga pulis nga gikamatay usab sa subject.
Nasayran nga konektado si Dacay sa napatay nga druglord sa Cebu nga si Jeffrey “Jaguar” Diaz. Pipila na kahigayon matod pa’ng gi-raid ang kanhi gipuy-an niini sa siyudad sa Cebu hinungdan nga nibalhin kini sa probinsya.
Nasakmit gikan ni Dacay ang 115 grams nga shabu ug mobalor sa kantidad nga 1,375,000 pesos.
