CEBU CITY – Padayon pang gitan-aw ang anggulo sa pagpamanhig patay sa 56- anyos nga retired police nga si SPO2 Willy Amores sa Marcelo B. Fernan Bridge.
Negatibo sa drugas ang maong pulis matod pa ni PSSupt. Lemeul Obon, hepe sa Lapu-Lapu City Police, ug gihulagway kini niyang usa ka maayong tawo gani nindot usab ang performance niini kadtong nagserbisyo pa kini isip pulis.
Gani taud-taod usab sila nga nagkauban sa pagpanerbisyo niadtong 1995 hangtod 2000 ug angayan usab kining hatagan og pasidungog.
Gikataho na adunay negosyo kon nagpa-utang si Amores ug nakadawat usab kinig mga death threat sa iyang kinabuhi.
Sa CCTV footage nga nakuha diin nahitabo ang krimen nga gitaparan ang motor nga gisakyan ni Amores sa riding in tandem og dayung gipusil.
Nakuha sa mga wala pa mailhing mamumuno ang bag sa biktima og dayong sibat.
Matod pa nga gikan nagpa-cash out ang maong biktima gumikan kay nakadaog kini sa poker sa casino diin tigduwaan kini sa Brgy. Ibo dakbayan sa Mandaue.
Matod sa witness nga backride ni Amores nga nakabantay na kining aduna nay naniid sa maong pulis gani giandam niya ang iyang pusil apan naunhan kini sa maong riding in tandem.
