CEBU CITY – Mihulga si Presidente Rodrigo Duterte kang Cebu City Mayor Tomas Osmeña nga iyaha kining tamparusun kung sila magkita.
Kini ang pamahayag sa presidente sa dihang mibisita kini sa Mandaue City sa 49th Charter Day sa dakbayan kagahapun.
Matud ni Duterte nga dili mamahimung maghari-hari si Osmeña gumikan kay wala niini gipanag-iya ang dakbayan sa Sugbo.
Gihulagway sa presidente nga usa ka hambog ug taas manulti ang mayor.
Dugang pa niini nga dili angayan isipun ni Mayor Osmeña nga kanhi presidente sa nasud ang iyahang amahan nga si Sergio Osmeña, Sr. arun nga maghari kini sa Cebu.
Samtang, mipaabut usab ug mensahe ang mayor pinaagi sa iyahang social media account kung diin matud pa nga adunay katungud ang presidente sa bisan unsa may gustung isulti niini.
Sigon pa ni Osmeña nga isip usa ka abogado, siguradu kini nga nasayud ang presidente nga adunay duha ka habig sa bisan unsa mang isturya, ug dili lang kung unsa ang gisulti kaniya nila ni Presidential Assistant for the Visayas Michael Dino, former Cebu City Mayor Michael Rama, ug sa PRO 7.
Gipadayag niini nga gipili siya sa mga Cebuano hayan magpadayun kini sa iyahang trabaho isip mayor Sugbo.
“The President is entitled to say whatever he wants. As a lawyer, I am sure that he knows there are two sides to any story, and not just what Dino, Rama, and PRO-7 are telling him…I will continue to do my job. I was elected by the Cebuanos, and it is them to whom I am obligated. I will continue to act in the interest of my people, especially those who have no one else to stand up for them”, Mayor Osmeña.
Kahinumduman nga una nang gipahibalu sa mayor nga dili na una kini mutubag sa bisan unsa mang media interview.
