CEBU CITY-Naligu sa iyahang kaugalingung dugu ug wala na’y kinabuhi atubangan sa iyahang kapuyu ug 4 anyus nga anak ang usa ka bus driver human kini nga gipusil patay sa may 6th St., Barangay Apas, dakbayan sa Sugbo.
Giila ang biktima nga si Eliseo Devellires, 34 anyus, ug taga Sitio Santo Niño 2, Barangay Lower Casili, lungsud sa Consolacion.
Basi sa imbestigasyon sa Mabolo Police Station, nga paingun sa panimalay sa iyahang employer ang biktima kauban ang iyahang pamilya arun nga mutambung og birthday celebration.
Sa dihang mi-abut sa nahisgutang dapit, mibutho lang kalit ang ang riding-in-tandem kung diin mibunut og armas ang backrider ug dayung pamusil sa biktima.Nahagba sa gutter ang biktima human sa maong pagpamusil.
Sa dugang nga imbestigasyon, basi na usab sa pamahayag sa kapuyu nga si Lorena Zamora, sigon pa nga daan na nga adunay hulga sa kinabuhi ang biktima ug ilaha na kining napa-blotter sa Consolacion Police Station.Giingong aduna kini naka-away sa unang gitrabaho-an nga bus company.
Subay niini, personal nga panagbangi ang gilantaw sa kapulisan nga motibo sa maong krimen.
Padayun karon ang manhunt operation ang kapulisan sa Mabolo PS human nga nailhan ang mamumuno nga giingung mao ang naka-away sa biktima kinsang kanhi kauban niini sa trabaho.
