Cebu City- Kapin 1.6 million pesos nga kantidad sa shabu ang nasakmit sa kapulisan sa gipahigayon nga buybust operation kanihang alas 3 sa kaadlawon sa 18-A, Panganiban St, dakbayan sa Sugbo. Ang subject ang giila nga si Darren Aguiton Bardos , 21 anyos ug residente sa nahigustang lugar.
Matud ni Police C/Insp Regino Maramag, ang hepe sa Pardo Police Station, gihulagway niini nga new-player pa ang ilang dinakpan apan halapad na klaayo ang area of distribution niini.
Dugang pa sa hepe nga posible gigamit lamang kini sa mas dako pang tawo ug gihimo lamang nga front sa maong iligal nga negosyo.
Sa habig usab sa suspek, giangkon niini ang kalambigitan sa iligal nga drogas, gane niadtong Nobyembre pa kini nagsugud sa pag baligya.
Natanggong na kini karon sa custodial facility sa Pardo Police Station samtang gi-andam na ang tukmang kaso nga ipasaka batok kaniya.
