Cebu City-Mukabat sa 13.6 million pesos nga kantidad sa shabu ang nasakmit sa kapulisan sa gipahigayon nga buybust operation sa Tagonol Street Brgy Cogon Pardo dakbayan sa Sugbo.
Ang maong operasyon ang gipahigayon sa mga poersonahe sa Pardo Police station batok sa subject nga si Danilo Dela Cerna, 33 anyos ug residente sa Brgy Tisa ning dakbayan ug lakip usab ang nasikop ang kauban niini nga si Giovanni Cañazares, 22 anyos ug residente sa Sitio Mananga.
Miangkon si Dela Cerna nga misulod kini sa pagbaligya ug shabu gumikan sa kawad-on sanglit wala na kini laing panginabuhian.
Samtang matud ni Cañazares nga igo lamang kini nga suguon ni Dela Cerna nga maghatud sa mga iligal nga drugas apan wala kini makaila sa iyahang ka transaksyon.
Gibutyag sa mga dinakpan nga pinaagi lamang sa text ang ilang komunikasyon.
Apan hugot nga gihimak ni Cañares nga mubaligya kini ug mugamit og iligal nga drugas.
