Gikagubtan karon sa social media ang usa ka post sa usa ka magti-ayon nga nangayo og tabang sa iyang silingan tungod kay naa silay bago nga natawong anak.
Nakalatid sa maong post nga naglisod sila og bahin sa oras tungod kay wala silay tarong tulog mao nga nagpatabang kini sa ilang mag silingan.
Apan ang nakakugang nga giingon sa maong magti-ayon nga wala hinganli mao ang paghatag niini og specific nga meal plan nga lutoon sa ilang silingan para kanila. Kinahanglan matud pa niini nga 30 ka mga recipe ang lutoon ug nakalatid usab ang sagol niini nga dili angayang i-apil sa niluto.
Dili lang usab kay kini ra, mihangyo pa usab ang magti-ayon nga apilon usab ang mga lihokon sa balay sama sa pagpanghugas, pagpalakaw sa iro ug pagpakaon niini.
Tungod niini, daghan ang naglagot nga mga netizens ug sagad nagkanayon nga dili maka-angayon ang hangyo sa magti-ayon tungod kay wala man kini nasakit, nanganak raman.
Samtang, naglagot usab ang uban kay wala matud pa kini nanawag sa dihang nagsawo sa lawasnong kalipay hangtod nga nagka-anak,apan karon manawag na og silingan para sa pagluto og atiman kanila.
