CEBU CITY-Gi-awhag ni PRO-7 Regional Director PBGen Debold as ang pamilya ni Franz Sabalones nga kuhaon na ang patay nga lawas niini nga hangtud niining mga orasa anaa pa sa punerarya sa may dakbayan sa Quezon.
Matud ni Sinas nga subay sa nakuha nga result diin wala nagmatch ang fingerprint ni Franz Sabalones sa record sa Comelec, ila karong sunod nga buhaton mao ang pagpa DNA test.
Ila matud pa nga kuhaan og sample ang kabanay niini, anak o igsoon niini nga si Fralz Sabalones apan lisod kini kay hangtud karon wala pa igkita si Fralz.
Nunot niini, kinahanglan matud pa nga mupatim-aw na ang pamilya ni Sabalones ug i-claim na ang iyang patayng lawas nga usa na ka buwan nga naa sa punerarya.
Nasayran nga ubos sa balaud, 60 diyas lamang gitugutan ang usa ka patay nga mapundo sa punerarya.Ug kung mulapas na kini sa 60 diyas, ang gobyerno na mismo ang magpalubong niini tungod kay makahatag na kini og dili maayong epekto sa panglawas sa tao.
