CEBU – Gipahibalu ni Cebu Provincial Police Office Director Police Colonel Roderick Mariano nga nangita na kini karun ug mga bag-ung sakup sa Provincial Intelligence Branch (PIB).
Matud ni Col. Mariano nga mas maayu nga isip bag-ung director sa CPPO, giingung bag-u usab ang mga tawu sa PIB.
Gipasabut niini nga usa ka special unit ang PIB hinungdan nga gikinahanglan nga ‘competent’ ang mga tawu nga nahisakup sa maong unit.
Sigon pa nga dili kini trabaho sa usa ka ordinaryo nga pulis hinungdan nga giingung dili mahimu nga mabutang sa PIB ang usa ka pulis nga dili maisugun.
Subay niini, gibutyag ni Mariano nga iyahang ipaubus sa pipila ka mga seminar ug workshop ang mga bag-ung sakup sa PIB, una kini nga musabak ug operasyon.
Gi-asuy sa bag-ung director nga isip kabahin sa ‘competency’ gikinahanglan nga palig-unun pa ug maayu ang nahisgutang unit.
Samtang, gipahinumduman ni Colonel Mariano ang kapulisan sa probinsiya sa Sugbo nga kinahanglang ipadayun kung unsa man ang nasugdan sa pamunuan ni Police Colonel Manuel Abrugena sa pakigbatuk sa iligal nga drugas.
Matud ni Police Colonel Mariano nga kung unsa man ang mga accomplishment, gikinahanglan kini nga mas palambu-un sa iyaha karung pagpangu sa CPPO.
Gimanduan niini ang tanang mga Chief of Police sa probinsiya atul sa iyahang unang command conference, nga i-update ang ilahang mga watchlist ug siguraduhun nga aduna na’y mahitabung clearing panahon nga makalingkud ang mga bag-ung elected officials sa matag local government unit.
Mipahimangnu usab kini sa tanang mga pulis sa probinsiya gustu niini kini silang makita sa mga kadalanan ug nagsilbi sa katawhan.
Dugang pa, ang usa ka pulis kinahanglang usa ka higala ug dili kaaway hayan mas maayu nga makita kini sa mga tawu ug dili mag-pondo sa ilahang mga police station.
Nagkanayun kini nga gikinahanglan usab sa usa ka chief of police nga nasayud sa iyahang area ug dili himu-ung rasun nga bag-u pa kini sa iyahang AOR hinungdan nga wala kini hanaw sa lugar.
