CEBU CITY – Kasong criminal ug administrastive ang ipasaka sa City Legal Office batuk kang kanhi Cebu City Mayor Tomas Osmeña.
Kini subay na usab sa giingung pagpang-guba sa kanhi opisyal sa Mayor’s Office sa Cebu Ciy Hall.
Sa eksklusibo nga pakighinabi sa Bombo Radyo Cebu ni Cebu City Legal Officer Atty Rey Gealon, gipahibalu niini nga andam na ang kaso nga ilahang ipasaka ngadtu sa Office of the Ombudsman batuk ni Osmeña.
Matud pa nga kompleto na ang affidavit sa mga gwardya nga nakasaksi sa pagsulud sa 27 ka mga tawu sa Dakay Construction nga mao ang gisugu sa kanhi mayor sa pag-guba sa nahisgutang opisina.
Nasayran nga bisan unsang adlawa karung semanaha ipasaka ang kaso.
Samtang, gipahigayun na usab ang imbestigasyon kalabut sa Official Seal sa dakbayan nga giingung nawagtang.
Nagkanayun si Gealon nga kung mapamatud-an nga lakip ang maong selyo nga gidala sa kanhi mayor, giingung lain usab nga kasong pagpangawat ang ilahang ipasaka.
