Gov. Garcia muhatag gihapon og anniversary bonus sa mga capitol employees apan dili dako ang kantidad?

CEBU CITY-Gitataw ni Cebu Governor Gwendolyn Garcia nga muhatag gihapon siya og anniversary bonus sa mga empleyado sa kapitolyo apan dili lamang kini sama kadako sa nakalabay nga tuig.

Matud ni Garcia nga wala siya miingon nga dili siya muhatag og bonus apan ang ihatag niini anaa lamang sa 3 mil ngadto na sa 5 mil pesos sa mga empleyado nga kapin usa ka tuig na sa kapitolyo.

Kini subay na usab sa 450th founding anniversary sa Cebu Province kung diin karong tuiga usab sigon sa gobernador mugahin lamang og 5 milyones pesos ang kapitolyo para sa tanang empleyado.

Pagtataw pa usab ni Garcia nga gitugutan kini sa Commission on Audit.